訪客留言 (275)
 |
leeben5354 於 2010-07-10 12:54 AM 發表：
7月9號 正是本人生日^_^呵呵
年年都無咩人同我講生日快樂 今年唔同左 人緣好左^_^
一達正12點 君妍就sms我 同我講生日快樂啦~
係到 再一次多謝君妍先^_^不過有人仲快過你喔 君妍>_<你排第二呀~下年再努力!!XD
9月1號 我一定會努力 第一時間 sms你 祝你生日快樂
 我知道到時有好多對手 但我會努力的!!!
接住 msn 多謝囡囡 畫左個 生日快樂出黎 但點解要寫住老鬼呢-_-
你係msn第一個同我講生日快樂
 多謝 呀婷 小樂 兄弟 紫喬(jaff) 魚魚 牙牙茶 囡囡 君妍 小澄 我只係記得禁多....
之前朋友提起行山 所以天朝早 決定行西貢 行到去科大飲茶!!!!!猜好毛巾 水 準備上路
朝早關係 我負責早d起身 打比佢地 提佢地起身既重任+ +
行完食完之後 再去剪頭髮 準備星期一見工!!!!剪完有機會 影一張著西裝look 比大家睇^_^
生日既我 無人約我出街的/口\
 只好 自己搵一個 同我睇埸戲 就回家 休息了....禁就過左一日啦~
不過今日都算開心 有我鐘意既人 同我講生日快樂 ^_^我會好好記住今年生日的
說話講到依到 早d訓 如果唔係 我起唔到身...
 另外 鐵血戰士s 真係唔好睇 無頭無尾 好失望!!!!
 comment comment comment comment comment comment comment
完
|
 |
jaff334 於 2010-07-08 10:47 PM 發表：
CM
|
|
|
leeben5354 於 2010-07-07 11:57 PM 發表：
7月7號 遲來的comment~
今日好夜先黎 的起心肝寫^_^
唔寫的一日 的確係無咩人會瀏覽我個網頁 但我又好想多d人 黎我網頁=3=
唔留cm 點會有人睇同留comment比你呢?
唔付出 又點得黎回報呢~..~(果然係世間真理!)
 生日就到 我都好努力去努工處 搵工 總不唔可以日日渾渾噩噩
 搵文員 辦公室助理 連倉務員都電郵 過去 希望有回覆啦
真係搵唔到 為有做住餐廳啦=_=極度唔想!!!
連呀哥個朋友做地產 都叫佢幫我問 有冇請推銷員
 依段時間 我會不停操練身體>_<我要大隻!!見呀哥胸肌禁鬼大 不停吹谷我練!!練完胸肌練腹肌!!
但我又唔想同呀哥一樣 為有將自己曬黑d 好多人都問我 點解黑左禁多
 我話唔小心 其實係有心 曬黑d=_=呵呵
 有工返的話 我都無心再寫cm了 到時大家唔會再同我講 :點解寫禁多野係我網頁到 做咩寫d禁既野
有錢第一時間去學電/木結他 朋友都開始學打鼓同bass 想完成夾band既心願
木結他我買左好奈 放左係屋企都好奈 上網睇d人講 自學會學錯手勢 所以都係正正式式報班學好了
點解唔一早學呢?唉...我之前返part time d錢都用黎買衫同人食飯
 次次都無諗到報班學=_=很白痴 只係好白痴地識彈幾個音=_=
依家既我真係感覺到好屈悶空虛 有首歌有一句 特別有感覺 (越長大越孤單 越長大越不安)
唔係指成首歌意思代表到我既感受 首歌講情情愛愛 我無談戀愛 唔關我事
 越長大越孤單 係指眼看朋友 向前發展 我只係企係原地 感覺好似佢地慢慢離我以去 最後得返我一個.
越長大越不安 年紀一年比一年大 時間飛逝 我仲未搵到我既目標
 正常人如果面對禁樣既問題都會感到不安吧....
 今日講到依到 依家時間11點52分 就黎過一日 再唔send 依編就變左7月8號 無左一日cm嫁啦
天日又唔會再寫 有d人會失望嫁嗎^_^
 送上comment一個
 by 傻鋒^_^
多謝你地細心睇我所寫既野
|
|
|
leeben5354 於 2010-07-06 04:04 PM 發表：
7月6號 距離本人生日仲有三日@_@日子如常啦 都係曬死
 琴晚去游水 終於比我係深水區浮到水面啦 不過比較吃力
最終救生員話我:睇黎你唔係幾識游水 應該上返黎 去淺水區學游水
前幾次黎 係深水區 差d沉死 又見你禁講 到我依家開始領略到 你先黎叫我上水!?
琴晚泳池好多人 天氣禁熱 諗住可以涼快d 沉洛去真係!#$! d水熱既!!!
 朋友專心的看女 我有我專心的不停重複 學游水 真的太多人 唔係好多空間比我練習
想游上前面 好似過馬路禁 等紅燈轉綠燈禁樣=_=聽明的人應該知道我講緊咩
 好想生日可以睇鐵血戰士s...但佢地無興趣呢....唉
 睇黎生日都係平日禁過吧@_@20歲了...還是一事無成的感覺
我呀媽前幾日同我講過 如果我出世係女 會讓比一對有錢夫婦 (點解我唔係女呢/口\)
原本今日真係打算唔寫cm 見有人 好似幾失望 無理由做衰仔 見係你 寫返啦^_^
我同你講行開陣 係想專心寫 因為突然之間 仲要無靈感下 真係要與世隔絕先得~..~
我話唔寫睇下夜晚點先 依家又寫出黎 唔知算唔算呃左你
有唔滿意的 我係依到同你講對唔住
岩岩係yahoo搵靈感 睇到一編文 一生一世
內容我唔多講 唔知大家能唔能夠同人一生一世
這編文我幾認同 令我覺得 同人相處得奈 開頭幾恩愛都好 之後一定會有衝突有碰撞
要一生一世對著一個麻煩友 很辛苦真的想死 但我認為同時都要學識包容
依點重要性好大 互相包容最終可以係甜蜜幸福
單方面/互相企硬 最後只會變成互相折磨對方 婚姻不會長久
*到依家既我 就算鐘意人/一齊左 都唔會同對方講 我愛你 依三個字
 (因為我真係唔敢寫包單一生一世都禁愛你 我唔想同妳講大話女方是很討厭男方講大話的)
我對戀愛仲係無咩經驗 上面只係我幼稚想法
comment
完
|
|
|
leeben5354 於 2010-07-05 02:41 PM 發表：
7月5號 炎熱容易中暑的日子=_=
  今日說話唔多 陣間夜晚去學游水 克服先得 但我知道好難= =去左幾次都係唔識游的
今日起身無野做 洛去打陣波 陽光直接射洛黎 真係睇唔到籃板係邊~,,~就中暑的感覺
 開始無咩力 比平時出左好多汗 所以第一時間 去廁所休息下先~_~
用水洗下臉 等自己身體溫度下降 過多一陣感覺開始回復精神+ +再出去同你死過!!!
琴晚真的很怒氣 沒有交帶的人 真的令人討厭 下次唔會再單獨約你 上網除左qoozafacebook之外.自己都很愛上2000fun
有齊男仔 想睇既野+ +ha(唔好諗衰野)
最後最後有一樣想講 唔知收到cm既你地 鐘唔鐘意睇恐怖片呢? 本人是超鐘意睇的
如果有人鐘意睇的 戲院又有唔錯既恐怖片的話 可以搵我一齊睇woo
►夠鐘了夠鐘了 好啦 又講得太多了~
 comment~ 我走好了⇔ |
|
|
leeben5354 於 2010-07-04 02:54 PM 發表：
7月4號 今日又係陽光普照 熱死人咩....
*陰天的時候 會無曬心情
好天的時候 又會覺得悶悶不樂
在家中的時候我會每日都會用一些時間去看yahoo的新聞 日日屋企都有報紙 我都唔睇= =
今日令我注意的新聞有兩宗
第一宗標題 頭縫200針 單車迷深圳捉賊被斬
內容係講水務督察日前在深圳奮力捉偷單車賊，點知賊人以菜刀削去其大片頭皮並身中多刀
好彩進行三小時手術 終於逃出鬼門關
點解我會關注依單新聞?一黎同情受害者二黎.我買過三次單車 前兩部都係比人偷左 特別心同感受
最記得有一次 單車鎖既鎖匙唔見左 係屋企拎把鋸 搵幾個朋友陪住我 洛去鋸斷條鎖 果陣時係夜晚 第
一次鋸既關係 無技術 發出好大聲響 最後係點? 當然比住戶報警 話我地偷車=_=
我記得當時講D咩回應呀SIR :呀SIR 有冇偷車賊會禁明顯係到發出禁大聲響偷車?我都唔明 住戶 真係偷車既 佢地又唔報警 我地依D小市民 你地又會禁肯去報警.
第二單新聞標題係狂鬧o靚模如群妖亂舞 秋生暗罵周秀娜是妓女
周秀娜可謂係表表者 賣攬枕我真係覺得好嘔心=口=有人話買左訓覺都會甜D
但我覺得望住禁~~大個波 真係有D反感 大就是美嗎?
老實說我係唔睇o靚模 但最記得有一個o靚模 10幾歲做人母親 生左仔女 大家可以話佢唔識得諗 但係
佢勇氣一定比其他人大 總之我覺得佢好叻
秋生話妓女賣肉 當中說話 令人接受 但女仔黎講青春是有限的 青春表現難道就有錯嗎?
說話都到依到完結 以上都是我個人觀點同感受 唔接受請見諒
今晚約了朋友放工 去打籃球
打得好唔好唔重要 最重要 我想練好肌肉 我唔想比唔到人安全感
我今日只係上左一個朋友QOOZA網頁 同時係佢QOOZA網頁中 停留左差唔多2個鐘 諗依編留言
我要去你個網到 先搵到靈感^_^
最後當然記得 留返個大COMMENT 比大家啦^_^
I LOVE YOU
題外話 最近我好鐘意D女仔 中短頭髮 金毛的女仔^_^我覺得好有性格好靚..
(一陣要出街 顏色上 我冇用心去搞 看上去可能好單調 唔洗出去 我會比較用心)
|
|
|
leeben5354 於 2010-06-30 06:02 PM 發表：
6月30號了 陽光猛烈的日子 熱死了
收到我今日的cm既朋友 我都有幾日無寫cm 有冇掛住我!!!...個cm呢~xXD
點解無寫 原因係部電腦之前神神地 用用下可以成個畫面黑曬@_@望住螢幕o曬嘴
 都前日 頂唔順部電腦 的起心肝去拎部電腦維修了@@"
拎過去途中 洛雨lo 係禁跑係禁跑 到最後成部機都係濕曬= =
!$@#&^#唔壞都變壞啦 整埋飛輪海頭都無用啦
去到 店員話留低電話 夜d話我知 邊到出錯
原來係底板壞左@@連修理費 禁就成為580元~
 琴晚就去左打羽毛球 10點打到11點 很好 差不多個個星期都有得打@@動一動是好的 出一身汗
最後好難得 送上comment比大家 希望大家會回返比我 以作十卜支持下我+ +請支持西貢坑口 二打六 鋒哥一票
 多謝大家 石曬你地=3=
|
|
|
leeben5354 於 2010-06-26 02:50 PM 發表：
6月26號 陰暗的日子@@近日都是這樣的天氣
#$%!@#係我QOOZA認識朋友當中 有一個今日生日了@@再次祝佢生日快樂先^^
佢依家都出左去同朋友仔好好禁過依一日 今晚觀月偏食 石澳西貢較佳 希望你係去石澳觀月啦
今日洛雨唔知你地點係海灘生存了= =祝你地好運!~
無咩野好寫了今日無咩特別無咩感想@@最後想講既係SCANDAL! 我黎啦!!(白痴= =)
希望收到我CM既朋友 可以去依個網 留句生日快樂>_<多謝曬禁多位
佢返到黎見到自己QZ禁多生日快樂 應該會好驚喜的@@
在此送上一個COMMNET 以表示我既心意
 ******************************************************
COMMENT
 |
|
|
leeben5354 於 2010-06-25 05:09 PM 發表：
6月25號 涼快的日子 我覺得呀下 唔知你地係唔係
今日想講 學生公然係公園親熱
大家都見怪不怪吧@@唔知道你地有冇試過啦XD
今日打完波走的時候 見到一對情侶 企係大多數人經過的道路上親熱
當然引了不小路人專視啦 包括我在內= =我望幾眼炸!
親熱左好奈 依對情侶都係唔理周圍既人既壓迫感 我有我親熱 你有你望
偉大既愛係唔受管束 禁我無野好講啦~
正當我行過去 佢地突然停止左親熱 望住我...大佬 我要過路 唔洗理我嫁= =我又唔會理你d咩 最多咪問下你有冇買套xd 親熱還親熱 你地著住校服嫁 一係坐係到 唔好企係到 禁揚啦..
************************comment*************************
|
|
|
leeben5354 於 2010-06-24 05:07 PM 發表：
6月24號 很平常的日子
心境非常平靜 但內心還是有點不安
想早日解決 但自己卻是不肯面對
是等待還是積極進取好呢~很煩腦
我依份人 諗多陣就會忘記左件事 是好是壞 我唔敢下定論
我都唔係好明自己講咩 只係有感而發 有真有假 真真假假 假假真真
 最後送上comment一個 希望大家鐘意
*﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀*
|
[ 發表留言 ]
